وزیراعظم نواز شریف کو افغان صدر اشرف غنی کا فون سالگرہ کی مبارکباد دی

دونوں رہنماؤں نے بات چیت کے دوران دو طرفہ تعلقات کے فروغ اور مسائل کے حل سمیت مختلف امور پر بھی تبادلہ خیال کیا۔ فوٹو : فائل

---

ISLAMABAD: وزیراعظم نواز شریف کو افغان صدر اشرف غنی نے ٹیلی فون کرکے انہیں سالگرہ کی مبارکباد دی۔

ایکسپریس نیوز کے مطابق وزیراعظم نواز شریف سے افغان صدر اشرف غنی نے ٹیلی فون پر رابطہ کرکے انہیں خصوصی طور پر سالگرہ کی مبارک باد دی جب کہ بات چیت کے دوران دونوں رہنماؤں نے دو طرفہ تعلقات کے فروغ اور مسائل کے حل سمیت مختلف امور پر بھی تبادلہ خیال کیا۔

واضح رہے کہ وزیراعظم نواز شریف کی آج 66 ویں سالگرہ ہے جب کہ اس سے قبل بھارتی وزیراعظم نریندر مودی نے بھی اپنے مختصر دورہ لاہور میں ملاقات کے دوران انہیں سالگرہ کی مبارک باد پیش کی تھی۔