وزیراعظم نواز شریف کی مہمان نوازی پر ان کا بے حد شکرگزار ہوں نریندر مودی

وزیراعظم نواز شریف نے جس طرح گرم جوشی سے استقبال اورالوداع کیا اس سے بے حد متاثر ہوا، بھارتی وزیراعظم، فوٹو: فائل

---

بھارتی وزیراعظم نریندرمودی کا کہنا ہے کہ جس طرح سے وزیراعظم نواز شریف نے گرم جوشی سے استقبال کیا اس پر وہ بے حد مشکور ہیں۔

بھارتی وزیراعظم نریندرمودی نے مختصر دورہ لاہور پر اپنے رد عمل کا اظہار مسرت کے ساتھ کیا جس میں سماجی رابطے کی ویب سائٹ ٹوئٹر پر اپنے بیان میں نریندر مودی نے کہا کہ وہ وزیراعظم نواز شریف کی مہمان نوازی پر ان کے بے حد مشکور ہیں، وزیراعظم نواز شریف نے جس طرح گرم جوشی سے لاہور ائیرپورٹ پر استقبال اورالوداع کیا اس سے وہ بے حد متاثر ہوئے۔

Am personally touched by Nawaz Sharif Sahab 's gesture of welcoming me at Lahore airport and coming to the airport when I left.

— Narendra Modi (@narendramodi) December 25, 2015

نریندر مودی کا کہنا تھا کہ انہوں نے نواز شریف اور ان کے خاندان کے ساتھ ان کے گھرمیں نہایت خوشگوارشام گزاری جب کہ نوازشریف کی سالگرہ اور ان کی نواسی کی شادی نے مزہ دوبالا کردیا۔

Spent a warm evening with Sharif family at their family home. Nawaz Sahab's birthday & granddaughter's marriage made it a double celebration

— Narendra Modi (@narendramodi) December 25, 2015

بھارتی وزیراعظم نے کہا کہ نوازشریف کا اٹل بہاری واجپائی سے دلی لگاؤ ہے جب کہ ملاقات میں نوازشریف نے اٹل بہاری واجپائی سے کی گئی باتوں کے بارے میں بھی بتایا اور اپنا سلام بھی مجھے ان تک پہنچانے کے لیے کہا ہے۔

Nawaz Sharif Sahab's affection towards Atal ji is very touching. He recalled their interactions & asked me to convey his regards to Atal ji.

— Narendra Modi (@narendramodi) December 25, 2015