دبنگ خان کا سالگرہ پرمداحوں کوآن لائن خریداری پر50 فیصد ڈسکاؤنٹ کا تحفہ

آن لائن خریداری سے حاصل شدہ آمدنی ان کی فلاحی تنظیم ’’بینگ ہیومن‘‘ کے لیے جمع کرائی جائے گی۔ فوٹو: فائل

---

بالی ووڈ کے دبنگ سپراسٹارسلمان خان نے اپنی 50 ویں سالگرہ کے موقع پر آن لائن خریداری پر مداحوں کو50 فیصد ڈسکاؤنٹ کا تحفہ دے دیا۔

بالی ووڈ اداکارسلمان خان کا شمار انڈسٹری کے ناموراداکاروں میں ہوتا ہے یہی وجہ ہے کہ دنیا بھر میں ان کے مداحوں کی تعداد کروڑوں میں ہے جب کہ دبنگ خان فلم انڈسٹری میں اپنی دریا دلی اور دوستی کے حوالے سے بھی اچھی خاصی شہرت رکھتے ہیں تاہم انہوں نے آج اپنی 50 ویں سالگرہ کے موقع پر آن لائن مارکیٹ سے خریداری پرمداحوں کو 50 فیصد ڈسکاؤنٹ کا شاندارتحفہ دیا ہے۔

سلمان خان نے اپنی سالگرہ کے موقع پر آن لائن شاپنگ کے لیے ''خان مارکیٹ آن لائن'' ویب سائٹ کا آغاز کیا ہے جب کہ آج ان کی سالگرہ کے موقع پر آن لائن خریداری پران کے مداحوں کو 50 فیصد ڈسکاؤنٹ دیا جائے گا جس سے حاصل ہونے والی آمدنی ان کی فلاحی تنظیم ''بینگ ہیومن'' کے لیے جمع کرائی جائے گی۔

a gift for my fans . https://t.co/VppaFKHIBH register now for a special treat . and lots more to come .

— Salman Khan (@BeingSalmanKhan) December 26, 2015

واضح رہے کہ بالی ووڈ اسٹار سلمان خان فلم''سلطان'' کی شوٹنگ کی مصروفیات ترک کرکے 50 ویں سالگرہ منارہے ہیں۔