رنویراوردپیکا کی فلم ’’باجی راؤ مستانی‘‘ 100 کروڑ کلب میں شامل

بالی ووڈ کی ڈمپل گرل دپیکاپڈوکون، پریانکا چوپڑا اور رنویر سنگھ کی فلم''باجی راؤ مستانی'' نے بھارت میں 100 کروڑ سے زائد کا بزنس کرلیا۔

بالی ووڈ اداکارہ دپیکا پڈوکون کی حال ہی میں ریلیز ہونے والی فلم ''باجی راؤ مستانی'' باکس آفس پرکامیابی کے جھنڈے گاڑنے میں کامیاب ہوگئی اورفلم نے بھارت میں 9 دن کے دوران 100 کروڑ سے زائد کا بزنس کرکے رواں سال کی چوتھی بڑی فلم بن گئی۔

فلم باجی راؤ مستانی نے بھارت میں پہلے روز 12 کروڑ 80 لاکھ، دوسرے روز15 کروڑ 52 لاکھ، تیسرے روز 18 کروڑ 48 لاکھ ، چوتھے روز10 کروڑ 25 لاکھ، پانچویں روز9 کروڑ 40 لاکھ، چھٹے روز9 کروڑ 21 لاکھ، ساتویں روز10 کروڑ 52 لاکھ، آٹھویں روز12 کروڑ 25 لاکھ اورنویں روز10 کروڑ 30 لاکھ کا بزنس کیا۔ نو روز کے دوران مجموعی طورپر108 کروڑ سے زائد کا بزنس کرنے والی فلم تاحال شاہ رخ خان کی فلم ''دل والے'' کو باکس آفس پر پیچھے چھوڑنے میں کامیاب نہیں ہوئی جو اب تک 118 کروڑ سے زائد کا بزنس کرچکی ہے۔

دوسری جانب نوجوان اداکاررنویرسنگھ کی فلم ''باجی راؤ مستانی'' 100 کروڑ کلب میں شامل ہونے والی ان کی دوسری فلم بن گئی ہے جس پر اداکار بھی خوشی سے نہال ہیں۔

واضح رہے کہ فلم ''باجی راؤ مستانی'' اور ''دل والے'' 18 دسمبر کو ایک ساتھ ریلیز کی گئیں تھیں۔