ڈوپ ٹیسٹ مثبت آنے پر یاسرشاہ کا موقف سامنے آگیا

اپنی اہلیہ کی بلڈپریشرکی دوائی کھائی تھی جس کی وجہ سے ری ایکشن ہوگیا،کرکٹر

ویب ڈیسک December 28, 2015

اپنی اہلیہ کی بلڈپریشرکی دوائی کھائی تھی جس کی وجہ سے ری ایکشن ہوگیا،کرکٹر۔ فوٹو : اے ایف پی/فائل

HADLEIGH FARM: پاکستانی لیگ اسپنر یاسر شاہ کا ڈوپ ٹیسٹ مثبت آنے کے بعد پہلی مرتبہ موقف سامنے آگیا جب کہ اس حوالے سے پی سی بی کا میڈیکل پینل آج سرجوڑ کر بیٹھے گا۔

ایکسپریس نیوز کے مطابق یاسرشاہ نے ڈوپ ٹیسٹ مثبت آنے پر موقف اختیار کیا ہے کہ انہوں نے اپنی اہلیہ کی بلڈپریشر کی دوائی کھائی تھی جس کی وجہ سے وہ ری ایکشن کرگئی جب کہ پی سی بی کا میڈیکل پینل آج اس حوالے سے سر جوڑ کر بیٹھے گا اور میڈیکل پینل یاسرشاہ کے بلڈ سیمپل ٹیسٹ کرانے یا آئی سی سی کو صرف موقف دینے کا فیصلہ بھی آج کرے گا۔

واضح رہے کہ گزشتہ روزانٹرنیشنل کرکٹ کونسل ( آئی سی سی ) نے 2015 میں قومی ٹیم کے کامیاب ترین بولریاسرشاہ کو ڈوپ ٹیسٹ مثبت آنے پرمعطل کرتے ہوئے ان پر ہرقسم کی کرکٹ کھیلنے پر پابندی عائد کردی تھی۔