چیئرمین سینیٹ نے بھارتی وزیراعظم کے دورے پر بریفنگ کیلیے مشیرخارجہ کو سینیٹ طلب کرلیا

مشیر خارجہ سرتاج عزیز آرمی چیف کے دورہ افغانستان کے حوالے سے بھی ایوان کو بریفنگ دیں گے، چئیر مین سینیٹ رضاربانی۔ فوٹو : فائل

---

بھارتی وزیراعظم کے دورہ پاکستان پر چیئرمین سینیٹ رضاربانی نے مشیرخارجہ سرتاج عزیز کو سینیٹ میں بریفنگ کے لیے کل طلب کرلیا۔

ایکسپریس نیوز کے مطابق چیئرمین سینیٹ رضاربانی نے بھارتی وزیراعظم نریندرر مودی کے اچانک دورہ پاکستان پر بریفنگ کے لیے مشیرخارجہ سرتاج عزیز کو کل سینیٹ میں طلب کرلیا ہے۔ چیئرمین سینیٹ رضا ربانی کا کہنا ہے کہ مشیر خارجہ سرتاج عزیز کل نہ صرف وزیراعظم نواز شریف کی بھارتی ہم منصب نریندر مودی سے ہونے والی ملاقات بلکہ آرمی چیف کے دورہ افغانستان کے حوالے سے بھی ایوان کو بریفنگ دیں گے۔

واضح رہے کہ بھارتی وزیراعظم نریندر مودی 25 دسمبر کو اچانک دورہ پاکستان پر لاہور پہنچے تھے جہاں انہوں نے جاتی امرا میں وزیراعظم نواز شریف سے ڈیڑھ گھنٹے ملاقات کی تھی۔