نائیجیریا کی مسجد میں بم دھماکے سے 20 افراد جاں بحق متعدد زخمی

دھماکے میں بھی بوکوحرام کے ملوث ہونے کے امکان کو رد نہیں کیا جاسکتا، حکام، فوٹو: فائل

---

نائیجیریا کے شمالی شہر میں مسجد میں بم دھماکے سے 20 افراد جاں بحق جب کہ 90 سے زائد زخمی ہوگئے۔

نائیجیریا کے شمالی شہر مید گوری کی مسجد میں بم دھماکے کے نتیجے میں 20 افراد جاں بحق جب کہ 90 سے زائد زخمی ہوگئے جنہیں فوری طبی امداد کے لیے اسپتال منتقل کردیا گیا۔ حکام کا کہنا ہے کہ گزشتہ روز بھی جنگجو تنظیم بوکو حرام نے شہر میں بم دھماکوں کی کوشش کی تھی جس پر فوج اور دہشت گردوں کے درمیان کے درمیان فائرنگ کا تبادلہ بھی ہوا تھا جب کہ اس دھماکے میں بھی بوکوحرام کے ملوث ہونے کے امکان کو رد نہیں کیا جاسکتا۔

واضح رہے کہ نائیجریا کے شورش زدہ علاقوں میں جنگجو تنظیم بوکو حرام کی کارروائیوں کے نتیجے میں اب تک ہزاروں افراد ہلاک جب کہ لاکھوں افراد پر امن علاقوں کی طرف نقل مکانی پر مجبور ہیں۔