اسلام آباد میں نوجوان نے لڑکی کو گولی مار کر خودکشی کرلی

طالبہ عمارہ کو قتل کرنے والے عاطف نے خود کو بھی گولی مارکر خود کشی کرلی ، فوٹو: فائل

---

سوشل سیکیورٹی اسپتال میں نوجوان نے میڈیکل کی طالبہ کو قتل کرنے کے بعد خود کو بھی گولی مار کرخود کشی کرلی ۔

ایکسپریس نیوز کے مطابق اسلام آباد کے سوشل سیکیورٹی اسپتال میں نجی میڈیکل کالج کی طالبہ عمارہ عالم پرچہ دے کر باہر نکلی تو وہاں موجود ایک شخص نے پہلے اسے فائرنگ کرکے شدید زخمی کردیا جس کے بعد خود کو بھی گولی مارلی۔ دونوں کو تشویش ناک حالت میں اسپتال پہنچایا گیا جہاں ڈاکٹروں نے ان کی موت کی تصدیق کردی۔

پولیس کا کہنا ہے کہ عمارہ کو مارنے کے بعد خودکشی کرنے والے نوجوان کی شناخت آصف خان کے نام سے ہوئی ہے جو ایک نجی این جی او میں ملازمت کرتا تھا ، دونوں مقتولین کا تعلق میانوالی سے ہے ۔ پولیس کی جانب سے واقعے کی تفتیش شروع کردی گئی ہے ۔