نیوزی لینڈ میں سب سے پہلے سال 2016 کا شاندار آتش بازی سے استقبال

اسکائی ٹاورپرکاؤنٹ ڈاؤن صفرہوتے ہی رنگ و نور کی بہار سے سال نو کا استقبال کیا گیا۔ فوٹو: ایکسپریس نیوز

---

سال 2015 اپنی تمام تر رعنائیوں کے ساتھ اختتام پذیرہوگیا جب کہ نیوزی لینڈ میں سب سے پہلے نئے سال کا استقبال شاندارآتشبازی سے کیا گیا۔

نیوزی لینڈ کے شہرآکلینڈ میں اسکائی ٹاورپرشاندار لائٹنگ اورآتشبازی سے سال 2016 کا استقبال کیا گیا اور اسکائی ٹاور پر کاؤنٹ ڈاؤن صفر ہوتے ہی رنگ و نور کی بہار ہوگئی اور اسکائی ٹاور چلملاتی لائٹوں سے کھل اٹھا جب کہ عوام کی جانب سے بھرپورجذبات کا اظہار کرتے ہوئے نئے سال کا استقبال کیا گیا جب کہ آسٹریلیا، جاپان، پاکستان ، بھارت اور بنگلہ دیش سمیت دیگر ممالک میں بھی سال نو پرعوام کی جانب سے بھرپورآتشباری کا مظاہرہ کیا گیا۔

نیویارک، لندن اور دبئی سمیت دنیا بھرمیں سال نو کے استقبال کی بھرپور تیاری کی گئی جب کہ دبئی کے برج الخلیفہ پرسال نو پرمہنگی ترین آتشبازی کا اہتمام کیا گیا اور گھڑی پر 12 بجتے ہی حسب روایت آسمان رنگین دکھائی دینے لگا۔