KARACHI:
موٹر وے سے اترتے ہوئے ٹھوکرنیازبیگ کے قریب مسافر بس کھائی میں گرنے سے 3 مسافر جاں بحق اور17 زخمی ہوگئے۔
پولیس کے مطابق مردان سے تبلیغی مرکز رائے ونڈ جانے والی بس موٹروے سے اترتے ہوئے تیزرفتاری کے باعث الٹ کرکھائی میں جاگری۔ حادثےکے نتیجے میں 3 افراد جاں بحق اور17 زخمی ہوگئے۔ مرنے والوں میں نصرالدین، عید محمد اور عنایت اللہ شامل ہیں۔ جب کہ 5 زخمیوں کی حالت تشویش ناک بتائی جاتی ہے۔
بس میں سوارسری لنکن باشندے محمدعبداللہ سمیت 11 زخمیوں کو طبی امداد کے بعد فارغ کردیا گیا ہے، 5 زخمی جناح اسپتال میں زیرعلاج ہیں۔ تھانہ چوہنگ پولیس کومقدمہ درج کرنےکی درخواست دے دی گئی ہے، جب کہ بس ڈرائیور حادثے کے بعد فرار ہوگیا۔