دورہ نیوزی لینڈ کیلئے محمد عامرکو ٹیم میں شامل کرنا خوش آئند ہے شاہد آفریدی

محمدعامرنے دوسروں کی طر ح ٹیم پرتنقید کے بجائے غلطی کا اعتراف کیا اورقومی ٹیم کی حوصلہ افزائی کی،کپتان ٹی ٹوئنٹی ٹیم فوٹو : فائل

---

ISLAMABAD: قومی ٹی ٹوئنٹی کرکٹ ٹیم کے کپتان شاہد آفریدی کا کہنا ہے کہ سلیکشن بورڈ نے دورہ نیوزی لینڈ کےلئے بہترین ٹیم کا انتخاب کیا اور محمد عامر کو ٹیم میں دوبارہ شامل کرنا خوش آئند ہے۔

سماجی رابطے کی ویب سائٹ ٹوئٹر پر اپنے پیغام میں شاہد آفریدی کا کہنا تھا کہ دورہ نیوزی لینڈ کےلئے تشکیل دی گئی موجودہ ٹیم بہترین سلیکشن ہے اور خصوصاً محمد عامر کو قومی کرکٹ ٹیم کا حصہ دیکھ کربے انتہا خوشی ہوئی جب کہ محمد عامر نے انگلینڈ میں ہی اسپاٹ فکسنگ سے متعلق سچ سچ بتا دیا تھا اورانہوں نے اپنی غلطی کا اعتراف بھی کیا۔ ان کا کہنا تھا کہ عامر نے کبھی میڈیا پر آکر ٹیم کو تنقید کا نشانہ نہیں بنایا جیسا کے دیگر کھلاڑیوں نے کیا،عامر کی بھرپور حمایت کروں گا اور توقع ہے کہ وہ بھرپورعزم اور لگن سے قومی ٹیم کے لئے اپنی خدمات پیش کریں گے۔

Happy to have Amir back in team. He told me truth first time I asked him in England. He admitted his mistake we should back him now3/4

— Shahid Afridi (@SAfridiOfficial) January 1, 2016

ٹی ٹوئنٹی ٹیم کے کپتان کا کہنا تھا کہ قومی ون ڈے ٹیم کے کپتان اظہرعلی اور اوپننگ بلے باز محمد حفیظ کے محمد عامر کو ٹیم میں شامل نہ کرنے کے مؤقف کو قدرکی نگاہ سے دیکھتا ہوں کیونکہ اسپاٹ فکسنگ کے باعث قومی ٹیم کو نقصان کے ساتھ پاکستان کی پوری دنیا میں جگ ہنسائی ہوئی، محمد آصف اورسلمان بٹ 3 سال تک جھوٹ بولتے رہے لیکن ان کے برعکس محمد عامر نے عدالتوں میں بھی سچ کہا اور قوم کے سامنے بھی غلطی تسلیم کرتے ہوئے سچ باتی کہی لیکن اب ہمیں مستقبل کی جانب دیکھنا ہے اورعامر سے بھی اچھی کارکردگی کی امید رکھنی چاہئے۔

We now need to move on and I will back Amir and expect him to serve Pakistan cricket with total dedication and commitment

— Shahid Afridi (@SAfridiOfficial) January 1, 2016

Amir spoke the truth both to courts and the Pakistani public. Unlike the rest who kept lying for two-three years!

— Shahid Afridi (@SAfridiOfficial) January 1, 2016