سال 2100 تک دنیاکی آبادی 11ارب ہوجائے گی رپورٹ

آبادی کے اضافے کی وجہ سے 10 ارب افرادکی غذائی ضروریات پوری کرنے میں مشکلات کاسامناکرناپڑے گا۔

این این آئی January 02, 2016

ایک محتاط اندازے کے مطابق پاکستان کی آبادی 18 کروڑ سے تجاوز کرچکی ہے۔ فوٹو: رائٹرز

تحقیقاتی رپورٹ میں کہا گیا ہے کہ 2100 تک دنیا11ارب انسانوں پرپھیل جائے گی۔

ایک رپورٹ کے مطابق انسانوں کی اوسط عمر میں اضافہ ہورہا ہے زمین پر صرف3.7ارب مزید آبادی برداشت کرنے کی گنجائش ہے، آبادی میں اضافے کی وجہ سے زمین پرنباتات اور جانوروں کی مزید ساڑھے14 لاکھ اقسام کاخاتمہ ہوجائے گا، 1960 کے بعد سے دنیا کی آبادی دگنی سے بھی زائد ہو چکی ہے۔

آبادی کے اضافے کی وجہ سے 10 ارب افرادکی غذائی ضروریات پوری کرنے میں مشکلات کاسامناکرناپڑے گا۔ رپورٹ میں کہاگیاکہ شہرکے45فیصد حصے میں 10 لاکھ لوگ با سہولت رہ سکتے ہیں مگرآبادی میں بے ہنگم اضافے سے رہائشی سہولتیں نہ ہونے کے برابر رہ جائیں گی۔ پاکستان میں مردم شماری رواںسال کی جائے گی، اس کے بعد پاکستان کی کل آبادی کا پتہ چلایا جاسکے گا، ایک محتاط اندازے کے مطابق پاکستان کی آبادی18کروڑسے تجاوزکرچکی ہے۔