انسانیت کےدشمن بھارت کو ترقی کرتا ہوا نہیں دیکھنا چاہتے نریندری مودی

GAH:
بھارتی وزیر اعظم نریندر مودی نے پٹھان کوٹ ایئربیس پر حملے کی شدید مذمت کرتے ہوئے کہا ہے کہ انسانیت کے دشمن بھارت کو ترقی کرتا ہوا نہیں دیکھنا چاہتے ہیں۔


بھارتی وزیر اعطم نریندر مودی نے پٹھان کوٹ پر دہشت گردوں کے حملوں کے بعد سماجی رابطے کی ویب سائٹ ٹوئٹر پر اپنے رد عمل کا اظہارکرتے ہوئے کہا کہ انسانیت کے دشمنوں کو بھارت کی ترقی برداشت نہیں ہورہی اسی لیے انہوں نے پٹھا ن کوٹ پر حملہ کیا لیکن فوج نے انہیں ان کے مقاصد میں کامیاب نہیں ہونے دیا۔ ان کا کہنا تھا کہ انہیں بھارتی فورسز پر فخر ہے جنہوں نے اپنی جان کی بازی لگا کر حملے کو ناکام بنادیا اس لیے وہ اس حملے میں شہید ہونے والوں کو سلام پیش کرتے ہیں۔ نریندر مودی کا کہنا تھا کہ وہ شہریوں کو یقین دلاتے ہیں کہ بھارتی فوج ان کی حفاظت کی بھر پور صلاحیت رکھتی ہے۔

واضح رہے کہ بھارتی پنجاب کے پٹھان کوٹ ایئربیس پر گزشتہ رات دہشت گردوں نے حملہ کردیا تھا جس کے نتیجے میں 4 بھارتی فوجی ہلاک جب کہ بھارتی سیکیورٹی فورسز کی جوابی کارروائی میں 4 حملہ آور بھی مارے گئے۔