سندھ میں وفاق کی مداخلت کے معاملے میں وزیراعظم کی ٹیم کے کچھ افراد مسئلہ بڑھا رہے ہیںخورشید شاہ

قومی اسمبلی میں قائد حزب اختلاف سید خورشید شاہ کا کہنا ہے کہ سندھ میں وفاقی حکومت کی جانب سے مداخلت کے معاملے پر وزیراعظم کی ٹیم میں شامل کچھ افراد مسئلے کو طول دے رہے ہیں۔


سکھر پہنچنے پر میڈیا کے نمائندوں سے بات کرتے ہوئے خورشید شاہ کا کہنا ہے کہ کراچی میں رینجرز اختیارات کے معاملے پر وفاق کی مداخلت پر صوبائی حکومت کو تحفظات ہیں جب کہ وزیراعظم نوازشریف کی ٹیم میں بیٹھے کچھ افراد مسئلے کو بڑھانا چاہتے ہیں اس لئے مسئلے کے حل کے لئے وزیراعظم خود کردار ادا کریں۔ انہوں نے کہا کہ پنجاب میں داعش کی بھرتیوں پر پنجاب حکومت خاموش ہے لہذا سمجھ میں نہیں آرہا کہ پنجاب میں کس کے سائے میں داعش کی بھرتیاں ہورہی ہیں۔