دوران ڈرائیونگ موبائل فون کا استعمال گناہ ہے سعودی عالم کا فتویٰ

اس فعل سے دوران ڈرائیونگ سے توجہ ہٹ جاتی ہے اور نقصان ہو سکتا ہے، سعودی عالم کا موقف۔ فوٹو: فائل

---

ایک سعودی عالم نے دوران ڈرائیونگ موبائل فون کے استعمال کیخلاف فتویٰ جاری کرتے ہوئے موقف اپنایا ہے کہ اسلام میں یہ بہت بڑا گناہ ہے کیونکہ یہ کسی بڑی آفت کا سبب بن سکتا ہے۔

میڈیا کے مطابق جدہ کی ایک مسجد کے امام احمد الحسینی الشہری نے نمازیوں سے کہا کہ ڈرائیور دوران ڈرائیونگ موبائل فون پر گفتگو کرنے، میسج کرنے یا فلم بنا کر ایک بڑے گناہ کے مرتکب ہوتے ہیں۔

یہ فعل اسلام میں بڑا گناہ ہے کیونکہ اس سے ڈرائیونگ کے دوران توجہ ہٹ جاتی ہے اور آفات کا سبب بن سکتا ہے، انھوں نے کہا کہ ڈرائیونگ کے دوران موبائل کا استعمال اللہ تعالیٰ کے احکام کی خلاف ورزی ہے جو ایسے افعال کی ممانعت کرتے ہیں جس سے کوئی نقصان ہو۔