کشمیر جہاد کونسل نے پٹھان کوٹ حملے کی ذمہ داری قبول کرلی برطانوی نشریاتی ادارہ

بھارت کے پاس اب بھی وقت ہے کہ وہ فوری طور پر کشمیریوں کو اپنا فیصلہ کرنے کا موقع دے۔

---

برطانوی نشریاتی ادارے کے مطابق کشمیر جہاد کونسل نے بھارت میں پٹھان کوٹ ایئربیس پر حملے کی ذمہ داری قبول کرلی۔

برطانوی نشریاتی ادارے (بی بی سی) کے مطابق کشمیر جہاد کونسل کے ترجمان نے ای میل پیغام کے ذریعے بتایا کہ پٹھان کوٹ ایئربیس پر حملے میں کشمیر جہاد کونسل کے نیشنل ہائی وے اسکواڈ سے وابستہ مجاہدین نے حصہ لیا جب کہ یہ حملہ بھارت کے لیے پیغام ہے کہ اس کی کوئی بھی حساس تنصیب ہماری پہنچ سے دور نہیں۔

بی بی سی کےمطابق بیان میں مزید کہا گیا ہےکہ بھارت کے پاس اب بھی وقت ہے کہ وہ فوری طور پر کشمیریوں کو اپنا فیصلہ کرنے کا موقع دے اور جموں و کشمیر میں انسانی حقوق کی خلاف ورزیاں بند کردے کیونکہ بھارت پاکستان پر الزامات لگا کر کشمیریوں کی آزادی کی جدوجہد کو کسی بھی طرح سبوتاژ نہیں کرسکتا۔