پشاور سے 2 مبینہ دہشت گرد گرفتار بارودی مواد اور دستی بم برآمد

گرفتار دہشت گرد دہشت گرد 2014 میں ایس ایچ او بڈھ بیر کے قتل میں بھی ملوث ہیں، ایس ایس پی آپریشنز

ویب ڈیسک January 05, 2016

گرفتار دہشت گرد دہشت گرد 2014 میں ایس ایچ او بڈھ بیر کے قتل میں بھی ملوث ہیں، ایس ایس پی آپریشنز، فوٹو؛ فائل

پولیس نے متنی کے علاقے میں کارروائی کے دوران دو مبینہ دہشت گردوں کو گرفتار کرلیا جن کے قبضے سے بارودی مواد اور دستی بم بھی برآمد کیے گئے ہیں۔

ایکسپریس نیوز کے مطابق پولیس نے پشاور کے علاقے متنی میں کارروائی کرتے ہوئے دو مبینہ دہشت گردوں کو گرفتار کرلیا جن کے قبضے سے بارودی مواد اور دستی بم بھی برآمد کیے گئے ہیں۔ ایس ایس پی آپریشنز میاں سعید کےمطابق پولیس نے دہشت گردوں کی موجودگی کی اطلاع پر چھاپہ مارا تو علاقے میں موجود ملزمان نے فائرنگ کردی جس کے بعد دو طرفہ فائرنگ کا تبادلہ ہوا اور اس دوران دو ملزمان کو گرفتار کرلیا گیا۔

پولیس کے مطابق گرفتار ملزمان سے 5 کلو سے زائد بارودی مواد اور دستی بم بر آمد ہوئے ہیں جب کہ ملزمان نے ابتدائی تفتیش میں افغانستان سے دہشت گردی کی تربیت حاصل کرنے کا اعتراف بھی کیا ہے۔ ایس ایس پی کا کہنا تھا کہ ملزمان 2014 میں ایس ایچ او بڈھ بیر کے قتل میں بھی ملوث ہیں جب کہ ان سے مزید تفتیش بھی جاری ہے۔