ٹریفک حادثات میں 2نوجوان جاں بحق ہوگئے

آئی آئی چند ریگر روڈ پر شاہین کمپلیکس کے قریب تیز رفتار گاڑی کی ٹکر سے موٹر سائیکل سوار ہلاک ہوگیا. فوٹو: فائل

---

ابو الحسن اصفہانی روڈ کے قریب عباس ٹائون میں تیز رفتار ٹرک کی ٹکر سے موٹر سائیکل سوار نوجوان ہلاک ہوگیا۔

سچل پولیس کے مطابق متوفی کی شناخت محمد نذیر ولد عبدل کے نام سے ہوئی جس کی عمر تقریباً 22 برس تھی ، متوفی اپنی موٹر سائیکل پر عباس ٹائون میں واقع عباس مارکیٹ سے گزر رہا تھا کہ مخالف سمت سے آنے والے ٹرک کی ٹکر سے ہلاک ہوگیا،علاوہ ازیں آئی آئی چند ریگر روڈ پر شاہین کمپلیکس کے قریب تیز رفتار گاڑی کی ٹکر سے موٹر سائیکل سوار ہلاک ہوگیا ، میٹھادر پولیس کا کہنا ہے کہ متوفی ہاشم ولد لطیف روزگار کی غرض سے کراچی آیا ہوا تھا.