پٹرول پمپ پرنوجوان کوفائرنگ کرکے ہلاک کرنیوالاگارڈ گرفتار

ایس ڈی پی اوکورنگی ڈی ایس پی قاسم غوری نے بتایا کہ موٹر سائیکل سوار پٹرول بھروا کر فرارہورہے تھے کہ پٹرول پمپ کے عملے کی جانب سے نوجوانوں پر فائرنگ کردی گئی۔ فوٹو: فائل

---

ISLAMABAD: کورنگی پولیس نے پٹرول پمپ پر نوجوان کو فائرنگ کرکے ہلاک کرنیوالے سیکیورٹی گارڈ کو گرفتار کرلیا۔

تفصیلات کے مطابق کورنگی ڈھائی نمبر پر پٹرول پمپ پر موٹر سائیکل سوار3نوجوانوں کاشف ، ماجد اور سہیل پر سیکیورٹی گارڈ نے فائرنگ کردی تھی جس کے نتیجے میں سہیل ہلاک اورماجد زخمی ہوگیا،کاشف محفوظ رہا ، پولیس نے سیکٹر 33-D سے ملزم محمد شمشاد کوگرفتارکرلیا ۔

ایس ڈی پی اوکورنگی ڈی ایس پی قاسم غوری نے بتایا کہ ملزم نے بتایا کہ موٹر سائیکل سوار نوجوان پٹرول بھروا کر فرارہورہے تھے کہ پٹرول پمپ کے عملے کی جانب سے اسے پکارا گیا تو اس نے نوجوانوں پر فائرنگ کردی، کاشف نے بتایا کہ 30 روپے کا پٹرول بھروایا،عملے سے تلخ کلامی کے بعد جارہے تھے کہ گارڈ نے فائرنگ کردی۔