کوٹری نوابشاہ ٹریفک حادثات میں3افراد جاں بحق4بچوں سمیت23زخمی

4 زخمیوں کی حالت تسویشناک،حادثات سپر ہائی وے اور انڈس ہائی وے پر پیش آئے، دوڑ روڈ پر 2 کاریں آمنے سامنے سے ٹکرا گئیں. فوٹو: فائل

---

BEIJING: ٹریفک کے مختلف حادثات میں 3 افراد جاں بحق جبکہ4 بچوں سمیت 16 زخمی ہو گئے۔

تفصیلات کے مطابق سپر ہائی وے لونی کوٹ کے مقام پر کراچی سے پنجاب جانے والا ٹرک تیز رفتاری کے باعث الٹ گیا جس کے نتیجے میں ایک شخص عثمان احمد موقع پر ہی جاں بحق جبکہ9 افراد زخمی ہو گئے۔

جن میں سے 4 کی حالت تشویشناک ہے ۔ ایک دوسرے حادثے میں انڈس ہائی وے پر لکی شاہ صدر کے قریب دادو سے کراچی جاتے ہوئے تیز رفتار گاڑی الٹ جانے کے باعث گاڑی میں سوار کامران خان موقع پر ہی جاں بحق جبکہ 7 افراد زخمی ہو گئے۔دریں اثنا منگل کی شام نوابشاہ کے قریب دوڑ روڈ پر لاشاری بس اسٹاپ کے مقام پر 2 تیز رفتار کاریں آمنے سامنے سے ٹکرا گئیں جس کے نتیجے میں 35سالہ عبدالخالق راجپر موقع پر ہی جاں بحق جبکہ 4بچوں سمیت 7افراد شدید زخمی ہوگئے۔ زخمیوں کو پیپلز میڈیکل کالج اسپتال داخل کرا دیا گیا ہے۔