کراچی میں سرچ آپریشن کے دوران پولیس مقابلہ 5 دہشت گرد ہلاک

دہشت گردوں ان کے قبضے سے اسلحہ اور دستی بم برآمد ہوئے ہیں، راؤ انوار فوٹو: فائل

---

PESHAWAR: سہراب گوٹھ میں الآصف اسکوائر کے قریب پولیس کے سرچ آپریشن کے دوران مقابلے میں 5 دہشت گرد ہلاک ہوگئے۔

ایس ایس پی ملیر کراچی راؤ انوار کے مطابق سہراب گوٹھ میں الآصف اسکوائر کے قریب انڈس پلازہ میں دہشت گردوں کی موجودگی کی اطلاع پر پولیس کے 150 اہلکاروں نے سرچ آپریشن شروع کیا تو دہشت گردوں نے فائرنگ کے ساتھ دستی بموں سے حملہ کردیا۔ فائرنگ کے تبادلے میں 5 ملزمان ہلاک ہوگئے جب کہ علاقے میں مزید دہشت گردوں کی موجودگی کے امکان کے پیش نظر سرچ آپریشن جاری ہے۔

راؤانوار کا کہنا ہے کہ ہلاک ہونے والے دہشت گردوں کا تعلق کالعدم تحریک طالبان پاکستان سے ہے مارے گئے دہشت گردوں میں 2 کی شناخت نعیم اور حفیظ کے نام سے ہوئی ہے دونوں دہشت گرد پولیس اور رینجرز کی ٹارگٹ کلنگ میں ملوث ہیں۔