محمد عامر کو نیوزی لینڈ کا ویزا جاری کر دیا گیا

اسپاٹ فکسنگ کیس میں سزا یافتہ فاسٹ بالر محمد عامر کو نیوز لینڈ کا ویزا جاری کردیا گیا ہے۔

نیوزی لینڈ کے امیگریشن ایریا منیجر مائیکل کارلے کا کہنا ہے کہ پاکستانی فاسٹ بالر محمد عامر کو نیوزی لینڈ کے خلاف سیریز کے لئے وزٹ ویزا جاری کر دیا گیا ہے۔ ان کا کہنا تھا کہ تمام تر صورت حال کا جائرہ لینے کے بعد پاکستان اور نیوزی لینڈ کے کرکٹ بورڈز کے تعاون سے عامر کو ویزا جاری کیا گیا ہے۔


واضح رہے کہ گزشتہ روز ہی پاکستان کرکٹ بورڈ نے محمد عامر کے ویزے کے لئے آن لائن درخواست جمع کرائی گئی تھی۔ محمد عامر نیوزی لینڈ کے خلاف ٹی ٹوئنٹی اور ون ڈے سیریز کے لئے پاکستانی ٹیم کا حصہ ہیں، دونوں ممالک کے درمیان سیریز 15 جنوری سے شروع ہونے جا رہی ہے۔