انتخابات میں تاخیر ملک کیخلاف سازش ہوگی نواز شریف وزیراعظم پرویز اشرف کو ٹیلی فون

وزیراعظم کی ٹیلی فون کال کے جواب میں نواز شریف نے فون کیا، دونوں نے ایک دوسرے کو عید کی مبارکباد دی، اعلامیہ ن لیگ۔ فوٹو: فائل

---

مسلم لیگ (ن) کے صدر میاں نواز شریف نے گزشتہ روز وزیراعظم راجاپرویز اشرف کو ٹیلی فون کیا اور انھیں حج کی سعادت حاصل کرنے پرمبارکباد دی۔

وزیراعظم ہائوس کی طرف سے جاری بیان کے مطابق وزیراعظم راجہ پرویز اشرف نے مسلم لیگ (ن) کے سربراہ میاں نوازشریف کو عیدالاضحٰی کی مبارکباد بھی دی۔ مسلم لیگ (ن) کے جاری اعلامیہ کے مطابق سوموار کی رات وزیراعظم راجہ پرویز اشرف نے میاں نوازشریف کو رات گئے ٹیلی فون کیا لیکن میاں نوازشریف کی مصروفیات کی وجہ سے بات نہ ہو سکی جس پر منگل کی صبح میاں نوازشریف نے راجہ پرویزاشرف کی فون کال کے جوا ب میں ان کو کال کی اور دونوں نے ایک دوسرے کو عید کی مبارکباد دی جبکہ وزیراعظم نے میاںنوازشریف کی خیریت دریافت کی۔