سعودی وزیرخارجہ کے دورہ پاکستان سے قبل وزیراعظم کی زیرصدارت اعلیٰ سطح کا اجلاس

اجلاس میں ملکی سلامتی اورعلاقائی صورتحال سمیت سعودی وزیرخارجہ کے دورہ پاکستان کے امورکا بھی جائزہ لیا گیا۔ فوٹو؛ پی آئی ڈی

---

سعودی وزیرخارجہ عادل الجبیر کے دورہ پاکستان سے قبل وزیراعظم نواز شریف کی زیرصدارت اعلیٰ سطح کا اجلاس ہوا جس میں مختلف امور پر تبادلہ خیال کیا گیا۔

ایکسپریس نیوز کے مطابق وزیراعظم نواز شریف کی زیرصدارت اعلیٰ سطح کا اجلاس ہوا جس میں وفاقی وزیرداخلہ چوہدری نثارعلی خان، وفاقی وزیرخزانہ اسحاق ڈار، وزیراعظم کے مشیر برائے امور خارجہ سرتاج عزیز، معاون خصوصی طارق فاطمی، مشیر برائے قومی سلامتی ناصر جنجوعہ اور انٹیلی جنس بیورو کے سربراہ آفتاب سلطان سمیت دیگر نے شرکت کی۔

اجلاس کے دوران وزیراعظم کو خطے کی سیکیورٹی صورتحال پر بریفنگ دی گئی اور اجلاس میں ملکی سلامتی اور علاقائی صورتحال کا جائزہ لیا گیا۔ ذرائع کےمطابق اجلاس میں سعودی وزیرخارجہ کے دورہ پاکستان کے حوالے سے بھی اہم معاملات کا جائزہ لیا گیا۔