بشام میں گاڑی کھائی میں گرنے سے 6 افراد جاں بحق

حادثے کے بعد قریبی علاقے کے افراد نے اپنی مدد آپ کے تحت لاشوں کو قریبی اسپتال منتقل کردیا فوٹو: فائل

---

دشوار گزار گھاٹیوں پر چلنے والی مسافر گاڑی اچانک گہری کھائی میں جاگری جس کے نتیجے میں 6 افراد جاں بحق ہوگئے۔

ایکسپریس نیوز کے مطابق بشام میں تیز رفتاری کے باعث مسافر گاڑی گہری کھائی میں جاگری جس کے نتیجے میں 6 افراد شدید چوٹیں آنے کے باعث موقع پر ہی جاں بحق ہوگئے۔ حادثے کے فوری بعد قریبی علاقے کے افراد نے اپنی مدد آپ کے تحت لاشوں کو قریبی اسپتال منتقل کردیا تاہم جاں بحق افراد کی شناخت نہیں ہوگی۔

واضح رہے کہ بشام میں مسافرگاڑیوں کا کھائی میں گرنے کا یہ کوئی پہلا واقعہ نہیں، اس سے قبل بھی اس علاقے میں متعدد واقعات رونما ہوچکے ہیں تاہم حادثات کی روک تھام کے لئے حکام کی جانب سے کوئی خاطر خواہ حکمت عملی تیار نہیں کی گئی۔