سلمان خان کا جوہی چاؤلہ کو فلم میں ماں کے کردارکا مشورہ

فلم میں کام کرنے کے لیے بالکل تیار ہوں لیکن اس میں جوہی کو میری ماں کا کردار نبھانا پڑے گا، سلمان خان، فوٹو:انڈیا ٹی وی

---

بالی ووڈ کے دبنگ سپر اسٹار سلمان خان نے اداکارہ جوہی چاؤلہ کو فلموں میں اپنے ماں کے کردار کے لیے موزوں قرار دے دیا۔

بالی ووڈ اسٹارسلمان خان اپنی جانداراداکاری کے ساتھ ساتھ میزبانی کے میدان میں بھی کافی شہرت رکھتے ہیں یہی وجہ ہے کہ میزبانی کے دوران ان کے برجستہ اور طنزیہ جملوں سے ہر کوئی بچنے کی کوشش کرتا ہے تاہم گزشتہ روز ان کی پرانی ساتھی اداکارہ کو بھی ایسی ہی خوشگوار جملے کا سامنا کرنا پڑا۔

میڈیا رپورٹس کے مطابق بالی ووڈ اداکارہ جوہی چاؤلہ اپنی نئی آنے والی فل م''چاک اینڈ ڈسٹر'' کی تشہیری مہم کے لیے سلمان خان کے رئیلٹی شو'' بگ باس 9'' میں پہنچیں جہاں شو کے دوران جوہی چاؤلہ نے سلو میاں کو ایک ساتھ فلم میں کام کرنے کی پیشکش کی جس کے جواب میں سلمان خان نے فوراً کہا کہ فلم میں کام کرنے کے لیے بالکل تیار ہوں لیکن اس میں جوہی کو میری ماں کا کردار نبھانا پڑے گا۔