پاکستانی ٹیم کے پہنچتے ہی کیوی میڈیا کی عامر پر یلغار
آکلینڈ ایئرپورٹ پرکئی صحافی کیمرہ اور مائیک لے کر محمد عامر کے سامنے آ گئے
پاکستان کرکٹ ٹیم سڈنی میں مختصر قیام کے بعد نیوزی لینڈ پہنچ گئی فوٹو: فائل
KARACHI:
پاکستانی ٹیم کے پہنچتے ہی کیوی میڈیا نے عامر پر یلغار کردی، آکلینڈ ایئرپورٹ پرکئی صحافی کیمرہ اور مائیک لے کر پیسر کے سامنے آ گئے، پانچ برس بعد ٹیم میں واپس لوٹنے والے عامر نے مینجمنٹ کی ہدایت پر تمام سوالات کو 'مسکرا' کر ٹال دیا،دوسری جانب ٹیم منیجرانتخاب عالم نے ٹور میں عمدہ کھیل کی توقع ظاہر کی ہے،ایک روز آرام کے بعد کھلاڑی منگل کو پریکٹس کریں گے۔
تفصیلات کے مطابق پاکستان کرکٹ ٹیم سڈنی میں مختصر قیام کے بعد نیوزی لینڈ پہنچ گئی جہاں وہ میزبان سائیڈ سے تین ٹوئنٹی 20 اور اتنے ہی ون ڈے میچز کھیلے گی۔ حسب توقع جیسے ہی فکسنگ کیس میں پابندی کی سزا بھگت کر ٹیم میں واپس آنیوالے فاسٹ بولر محمد عامر آکلینڈ ایئرپورٹ سے باہر آئے تو کیمرے اور مائیک تھامے مقامی میڈیا نے باقی کھلاڑیوں کو چھوڑ کر ان کی جانب دوڑ لگائی، فوٹوگرافرز بھی پیسرکی تصاویر بنانے میں مصروف رہے۔ ٹیم مینجمنٹ کی سخت ہدایات کے سبب عامر نے صحافیوںکے سوالات کا جواب دینے کے بجائے صرف چہرے پر مسکراہٹ سجائے رکھی۔
اس بات سے ان خدشات کی تصدیق ہوگئی کہ انھیں اس ٹور کے دوران قدم قدم پر مقامی میڈیا کی سخت اسکروٹنی کا سامنا ہوگا، البتہ جس وقت انھوں نے فکسنگ کا جرم کیا تب کم عمر اور پسماندہ علاقے و غریب خاندان سے تعلق کی وجہ سے لوگوں کی ہمدردی بھی پیسر کو حاصل ہے۔
دوسری جانب ٹیم منیجرانتخاب عالم کا کہنا ہے کہ پلیئرز کے حوصلے کافی بلند ہیں، ملک میں لگائے گئے ٹریننگ کیمپ کی وجہ سے سیریز کی تیاریاں مکمل ہیں، منگل کو یہاں بھی پریکٹس کا آغاز کرینگے۔ عامر کے بارے میں انتخاب نے کہاکہ فاسٹ بولرٹیم میں واپسی پر کافی خوش اور فتوحات میں کردار ادا کرنا چاہتے ہیں۔ یاد رہے کہ پاکستان اور نیوزی لینڈ کے درمیان پہلا ٹوئنٹی 20 جمعے کو آکلینڈ میں کھیلا جائیگا۔
پاکستانی ٹیم کے پہنچتے ہی کیوی میڈیا نے عامر پر یلغار کردی، آکلینڈ ایئرپورٹ پرکئی صحافی کیمرہ اور مائیک لے کر پیسر کے سامنے آ گئے، پانچ برس بعد ٹیم میں واپس لوٹنے والے عامر نے مینجمنٹ کی ہدایت پر تمام سوالات کو 'مسکرا' کر ٹال دیا،دوسری جانب ٹیم منیجرانتخاب عالم نے ٹور میں عمدہ کھیل کی توقع ظاہر کی ہے،ایک روز آرام کے بعد کھلاڑی منگل کو پریکٹس کریں گے۔
تفصیلات کے مطابق پاکستان کرکٹ ٹیم سڈنی میں مختصر قیام کے بعد نیوزی لینڈ پہنچ گئی جہاں وہ میزبان سائیڈ سے تین ٹوئنٹی 20 اور اتنے ہی ون ڈے میچز کھیلے گی۔ حسب توقع جیسے ہی فکسنگ کیس میں پابندی کی سزا بھگت کر ٹیم میں واپس آنیوالے فاسٹ بولر محمد عامر آکلینڈ ایئرپورٹ سے باہر آئے تو کیمرے اور مائیک تھامے مقامی میڈیا نے باقی کھلاڑیوں کو چھوڑ کر ان کی جانب دوڑ لگائی، فوٹوگرافرز بھی پیسرکی تصاویر بنانے میں مصروف رہے۔ ٹیم مینجمنٹ کی سخت ہدایات کے سبب عامر نے صحافیوںکے سوالات کا جواب دینے کے بجائے صرف چہرے پر مسکراہٹ سجائے رکھی۔
اس بات سے ان خدشات کی تصدیق ہوگئی کہ انھیں اس ٹور کے دوران قدم قدم پر مقامی میڈیا کی سخت اسکروٹنی کا سامنا ہوگا، البتہ جس وقت انھوں نے فکسنگ کا جرم کیا تب کم عمر اور پسماندہ علاقے و غریب خاندان سے تعلق کی وجہ سے لوگوں کی ہمدردی بھی پیسر کو حاصل ہے۔
دوسری جانب ٹیم منیجرانتخاب عالم کا کہنا ہے کہ پلیئرز کے حوصلے کافی بلند ہیں، ملک میں لگائے گئے ٹریننگ کیمپ کی وجہ سے سیریز کی تیاریاں مکمل ہیں، منگل کو یہاں بھی پریکٹس کا آغاز کرینگے۔ عامر کے بارے میں انتخاب نے کہاکہ فاسٹ بولرٹیم میں واپسی پر کافی خوش اور فتوحات میں کردار ادا کرنا چاہتے ہیں۔ یاد رہے کہ پاکستان اور نیوزی لینڈ کے درمیان پہلا ٹوئنٹی 20 جمعے کو آکلینڈ میں کھیلا جائیگا۔