2016 میں پاکستان کے ساتھ کوئی سیریز طے نہیں بھارتی کرکٹ بورڈ

بھارتی کرکٹ بورڈ کے سیکریٹری انوراگ ٹھاکر کا کہنا ہے کہ 2016 میں بھی پاکستان کے ساتھ کوئی سیریز طے نہیں ہوئی جب کہ بھارتی ٹیم پاکستان کے ساتھ صرف آئی سی سی ایونٹ میں کھیلے گی۔

بھارتی میڈیا کے مطابق انڈین کرکٹ بورڈ کے سیکریٹری انوراگ ٹھاکر نے ایک انٹرویو میں اس بات کی تصدیق کی کہ 2016 میں پاکستان کے ساتھ کوئی کرکٹ سیریز طے نہیں ہوئی ہے البتہ بھارتی ٹیم شیڈول کے مطابق اس سال تمام سیریز میں شرکت کرے گی۔ انہوں نے کہا کہ بھارتی ٹیم 2016 میں پاکستان کے ساتھ صرف آئی سی سی ایونٹ میں کھیلے گی۔


واضح رہے کہ پاکستان اور انڈیا کے درمیان دو طرفہ سیریز کے لیے ایم او یو سائن کیا گیا تھا جس کے تحت بھارت نے دسمبر 2015 میں متحدہ عرب امارات میں پاکستان کے ساتھ ٹیسٹ، ون ڈے اور ٹی ٹوئنٹی سیریز کھیلنے تھی تاہم دونوں ممالک کے درمیان سیاسی کشیدگی کے باعث بھارتی بورڈ نے پاکستان کے ساتھ کھیلنے سے انکار کردیا۔