ورلڈ ٹی ٹوئنٹی بطور کپتان ثنا میر کا آخری ٹورنامنٹ

فیصلہ نوجوان کرکٹرز کو صلاحیتوں کے اظہار کا موقع دینے کیلیے کیا، آل راؤنڈر

Sports Reporter January 13, 2016

فیصلہ نوجوان کرکٹرز کو صلاحیتوں کے اظہار کا موقع دینے کیلیے کیا،آل راؤنڈر ۔ فوٹو : اے ایف پی

ورلڈ ٹی ٹوئنٹی بطور کپتان ثنا میر کا آخری ٹورنامنٹ ہوگا،آل راؤنڈر کا کہنا ہے کہ فیصلہ نوجوان کرکٹرز کو صلاحیتوں کے اظہار کا موقع دینے کیلیے کیا، بھارت میں شیڈول میگا ایونٹ کو یادگار بنانے کی کوشش کروں گی۔

تفصیلات کے مطابق لاہور میں میڈیا سے بات چیت کرتے ہوئے ثنا میر نے بتایا کہ ٹی ٹوئنٹی کرکٹ میں قیادت کو خیرباد کہنے کا فیصلہ کیا ہے، بھارت میں مارچ میں شیڈول میگا ایونٹ بطور کپتان آخری ٹورنامنٹ ہوگا، انھوں نے کہا کہ اپنے فیصلے سے پی سی بی کو بھی مطلع کردیا، میرے خیال میں مستقبل کیلیے نوجوان کرکٹرز کو موقع دینے کی ضرورت ہے، ورلڈ ٹی ٹوئنٹی کی تقریب رونمائی میں تجربہ کار آل راؤنڈر نے کہاکہ ہماری ٹیم فارم میں اور بہت اچھی پریکٹس بھی جاری ہے۔

ملک کی سبز شرٹ پہن لینے کے بعد ہمیشہ کوشش ہوتی ہے کہ اپنی پرفارمنس کو بہتر سے بہتر بنائیں، عالمی کپ کے ویمنز مقابلوں میں سپر ایٹ یا سپر سکس کا مرحلہ نہیں ہوتا بلکہ براہ راست سیمی فائنلز ہوتے ہیں، ہماری کوشش ہوگی کہ راؤنڈ میچز سے آگے بڑھیں، میری خواہش ہے کہ اپنا آخری ایونٹ ذاتی اور ٹیم کی کارکردگی سے یادگار بناؤں،انھوں نے کہا کہ پاکستانی ٹیم نوجوان و سینئر کھلاڑیوں کے بہترین کمبی نیشن پر مشتمل اور کسی بھی حریف کو شکست دینے کی صلاحیت رکھتی ہے۔ ثنا میر نے کہا کہ ویمن کرکٹرز کی فٹنس پر بہت زیادہ توجہ اور ہر ماہ کیلیے ایک پلان دیا جاتا ہے۔

بعد ازاں فٹنس ٹیسٹ یہ بھی معلوم کرتے ہیں کہ انھوں نے کس حد تک اس پر عمل درآمد کیا،ان اقدامات کے مثبت نتائج سامنے آئینگے، انھوں نے کہا کہ ویمنز کرکٹ کیلیے بہتر اقدامات کی وجہ سے باصلاحیت کرکٹرز آگے آرہی ہیں، ڈومیسٹک ٹورنامنٹس میں سامنے آنیوالی پلیئرز مستقبل میں قومی ٹیم کا اثاثہ ہونگی۔ ثنا میر نے کہاکہ ورلڈ ٹی ٹوئنٹی کی ٹرافی کا پاکستان آنا بڑی خوش آئند بات ہے اس سے نوجوان کرکٹرز کی حوصلہ افزائی ہوگی، خاص طور اسے آرمی پبلک سکول لیجانا ایک اچھا فیصلہ تھا جس سے بچوں کے حوصلے بھی جوان ہوئے ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ورلڈ ٹی ٹوئنٹی بطور کپتان ثنا میر کا آخری ٹورنامنٹ

انٹرٹینمنٹ

کترینہ کیف کا فلمی سین کے لیے ساتھی اداکار کو اصلی تھپڑ مارنے کا انکشاف

وہ ستارے جو تعلیم ادھوری چھوڑ کر اداکاری کی دنیا میں آئے اور آج کروڑوں کے مالک ہیں

مادھوری نے نئی لگژری گاڑی خرید لی، قیمت کتنی ہے؟

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

ورلڈ ٹی ٹوئنٹی بطور کپتان ثنا میر کا آخری ٹورنامنٹ

ہمارے ساتھ شامل ہوں

مقبول خبریں

انٹرٹینمنٹ

کترینہ کیف کا فلمی سین کے لیے ساتھی اداکار کو اصلی تھپڑ مارنے کا انکشاف

وہ ستارے جو تعلیم ادھوری چھوڑ کر اداکاری کی دنیا میں آئے اور آج کروڑوں کے مالک ہیں

مادھوری نے نئی لگژری گاڑی خرید لی، قیمت کتنی ہے؟

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین