لاہورکا موسم راس نہ آیا آصفہ بھٹوکی بلیاں بیمارپڑگئیں

بلیوں میں پہلے جیسی چستی دیکھنے میں نہیں آرہی اور آصفہ بھٹو کے مطابق ان کی بلیاں کھا پی بھی نہیں رہیں۔:فوٹو: فائل

---

پیپلزپارٹی پارلیمنٹیرینز کے صدر آصف زرداری کی صاحبزادی آصفہ بھٹو کی بلیوں کو لاہور کا موسم راس نہ آیا اور بیمار پڑ گئیں، بلیوں کو چیک اپ کیلیے ڈاکٹر کے پاس بھجوا دیا گیا۔

گزشتہ روزبلاول ہاؤس لاہورمیں آصفہ بھٹو کی لاڈلی بلیوں کو بڑی گاڑی میں بٹھا کر سیر کرائی گئی جبکہ ان کی حفاظت اور دیکھ بھال کے لیے بھی خصوصی عملہ تعینات کیا گیا تھا تاہم بلیاں ٹھنڈے موسم میں بیمار پڑ گئیں جنھیں چیک اپ کے لیے ڈاکٹر کے پاس بھجوا دیا گیا۔ بلاول ہاؤس ذرائع کے مطابق بلیوں میں پہلے جیسی چستی دیکھنے میں نہیں آرہی اور آصفہ بھٹو کے مطابق ان کی بلیاں کھا پی بھی نہیں رہیں۔