شرمین عبید چنائی کی ایک اور دستاویزی فلم آسکر ایوارڈ کے لیے نامزد

شرمین عبید چنائی نے آسکر ایوارڈ کے لیے اپنی فلم کی نامزدگی پر خوشی کا اظہار کیا ہے، فوٹو: رائٹرز/ فائل

---

آسکر ایوارڈ یافتہ معروف ہدایتکار شرمین عبید چنائی کی ایک اور دستاویزی فل م''اے گرل ان واریور پرائز فار فور گیوینس'' کو آسکر ایوارڈ کے لیے نامزد کرلیا گیا ہے۔

آسکر ایوارڈ یافتہ ہدایتکار شرمین عبید چنائی کی ایک اور دستاویزی فلم ''اے گرل ان واریور پرائز فار فور گیوینس'' کو 88 ویں آسکر اکیڈمی ایوارڈ کے لیے نامزد کرلیا گیا اور فلم کو مختصر دورانیے کی بہترین فلم کی کٹیگری میں شامل کیا گیا ہے جب کہ آسکر ایوارڈ کی تقریب 28 فروری کو منعقد کی جائے گی جس میں دنیا بھر سے مختلف کیٹیگریز کی بہترین فلموں کو ایوارڈ سے نوازا جائے گا۔

Congrats to our Documentary Short Subject nominees #Oscars #OscarNoms pic.twitter.com/i1ex9vJmtL

— The Academy (@TheAcademy) January 14, 2016

شرمین عبید چنائی نے سماجی رابطے کی ویب سائٹ ٹوئٹر پر آسکر ایوارڈ کے لیے اپنی فلم کی نامزدگی پر خوشی کا اظہار کیا ہے اور آسکر ایوارڈ جیتنے کی امید ظاہر کی ہے۔

https://twitter.com/sharmeenochinoy/status/687636437907423232

دوسری جانب وزیر اعظم نواز شریف نے شرمین عبید چنائی کی دوسری فلم کی آسکر ایوارڈ کے لیے نامزدگی پر انہیں مبارکباد پیش کی۔

واضح ر ہے کہ شرمین عبید 2012 میں ڈاکومنٹری فلم ''سیونگ فیس '' پر آسکر ایوارڈ حاصل کر چکی ہیں۔