یوٹیوب کھولنے میں حکومت خودرکاوٹگوگل نمائندے مایوس واپس

وزارت آئی ٹی کی سستی کی وجہ سے گوگل کا اس معاملے سے پوری طرح نکل جانے کاخدشہ

Online January 17, 2016

مستقبل میں عدالت سے رجوع کی صورت میں اس پر پھر مکمل پابندی بھی لگ سکتی ہے، ماہرین فوٹو: فائل

SUKKUR: کئی ضروری اقدامات کے باوجود وفاقی وزارت انفارمیشن ٹیکنالوجی یوٹیوب کوکھولنے کے حوالے سے نوٹیفکیشن جاری نہیں کرسکی جس کے باعث گوگل اور وفاقی حکومت کے درمیان متوقع ڈیل بھی نہ ہوسکی تاہم چند دنوں میں نوٹیفکیشن جاری کردیاجائے گا۔

میڈیا رپورٹس کے مطابق گوگل انتظامیہ نے پاکستان کے آئی ٹی ڈپارٹمنٹ کی درخواست پریوٹیوب پی کے کوبنانے میں کروڑوں روپے خرچ کیے ہیں تاہم وزارت آئی ٹی کے ایک اہلکارنے نام ظاہرنہ کرنے کی شرط پربتایاکہ گوگل انتظامیہ کوحکومت کے ساتھ بغیرکوئی ڈیل ہوئے ہی واپس لوٹناپڑا۔

گوگل کے نمائندوںکے ساتھ5گھنٹے تک جاری رہنے والی گفتگوکے بعدوفاقی وزیرخزانہ اسحٰق ڈار نے وزیرآئی ٹی انوشہ رحمٰن نے یوٹیوب کوکھولنے کے حوالے سے نوٹیفکیشن جاری کرنے کی درخواست کی تھی حکومت اورگوگل یوٹیوب پی کے کوشروع کرنے پرمتفق ہوئے تھے اوراس ویب سائٹ کی لانچنگ اوریوٹیوب کو کھولنے کااقدام ایک ساتھ لیا جانا تھاتاہم گوگل کے نمائندے3روزتک انتظارکرنے کے بعدملک چھوڑکرچلے گئے ہیں۔

ماہرین کاخیال ہے کہ وزارت آئی ٹی کی سستی کی وجہ سے گوگل کااس معاملے سے پوری طرح نکل جانے کاخدشہ پیداہوگیاہے یاپھرمستقبل میں عدالت سے رجوع کیے جانے کی صورت میں اس پرپھرمکمل پابندی بھی لگ سکتی ہے۔