صفورا گوٹھ کے علاقے میں 4 کلو وزنی بم ناکارہ بناکر دہشت گردی کی کوشش کو ناکام بنادیا گیا۔
صفورا گوٹھ میں عارف آرکیڈ کے قریب گلی میں لوہے کے ڈبے کو دیکھ کر علاقہ مکینوں میں خوف و ہراس پھیل گیا تاہم پولیس نے موقع پر پہنچ کر بم ڈسپوزل اسکواڈ کو طلب کیا اور چیکنگ کے دوران لوہے کے ڈبے سے بم برآمد ہوا جسے ناکارہ بنادیا گیا۔
بم 4 کلو وزنی اور دیسی ساختہ تھا جس میں دھماکے کے لیے 9 وولٹ کی 2 بیٹریاں، ڈیٹونیٹر اور ریموٹ کنٹرول ڈیوائس بھی استعمال کی گئی تھی۔