سانحہ بلدیہ فیکٹری کے مالک کو طبی امداد فراہم کرنیکا حکم

ملزم کے وکیل نے عدالت سے تحریری طور پر درخواست میں موقف اختیار کیا تھا کہ اس کا موکل سخت بیمار ہے۔ فوٹو: اے ایف پی/ فائل

---

جوڈیشل مجسٹریٹ غربی سہیل احمد مشوری نے سانحہ بلدیہ فیکٹری آتشزدگی کیس میں نامزد فیکٹری مالکان ارشد بھائلہ کو جیل حکام کی رپورٹ پر جیل ایکٹ کے تحت ہفتے میں دو مرتبہ مقامی اسپتال میں طبی امداد اور مکمل چیک اپ کرانے کی ہدایت دی ہے۔

قبل ازیں ملزم کے وکیل نے عدالت سے تحریری طور پر درخواست میں موقف اختیار کیا تھا کہ اس کا موکل سخت بیمار ہے، بروقت ادویات فراہم نہ ہونے پر اس کی حالت مزید خراب ہوگئی ہے، فاضل عدالت نے جیل حکام سے ملزم کی میڈیکل رپورٹ طلب کی تھی۔