ٹوئنٹی 20 انٹرنیشنل سے ریٹائرمنٹ کی افواہوں پر سہواگ طیش میں آگئے

گذشتہ روز بی سی سی آئی کے ایک آفیشل نے دعویٰ کیا تھا کہ سہواگ نے ٹوئنٹی 20 کرکٹ کھیلنے میں عدم دلچسپی ظاہر کی ہے۔ فوٹو : اے ایف پی

---

ٹوئنٹی 20 انٹرنیشنل سے ریٹارمنٹ کی افواہوں پر بھارتی اوپنر وریندر سہواگ طیش میں آگئے۔

ان کا کہنا ہے کہ میں نے اپنے کیریئر کے حوالے سے کسی سے کوئی بات بھی نہیں کی۔ ٹویٹر پر سہواگ نے لکھا کہ ایک اور بے بنیاد کہانی سامنے آئی ہے، میں نے کسی سے کوئی درخواست نہیں کی کہ مجھے کسی بھی فارمیٹ کے میچ میں آرام دیا جائے۔

گذشتہ روز بی سی سی آئی کے ایک آفیشل نے دعویٰ کیا تھا کہ سہواگ نے ٹوئنٹی 20 کرکٹ کھیلنے میں عدم دلچسپی ظاہر کی ہے، وہ ٹیسٹ اور ون ڈے کرکٹ پر توجہ دینا چاہتے ہیں، انھوں نے بی سی سی آئی کو آگاہ کیا کہ مزید ٹوئنٹی 20 میچز میں شرکت کی خواہش نہیں رکھتے، انھوں نے اپنے اس فیصلے کی وجہ اپنی فٹنس اور ٹوئنٹی 20 کرکٹ کی شدت کو قرار دیا تھا۔