اپنی فلم دیکھتے ہوئے اکثر سوجاتا ہوں سلمان خان

عام انسانوں کی طرح رہنا زیادہ پسند ہے اسی لیے جیسا اسکرین پر نظر آتا ہوں ویسا نہیں ہوں، بالی ووڈ اسٹار، فوٹو؛ فائل

---

بالی ووڈ کے دبنگ سپر اسٹار سلمان خان نے کہنا ہے کہ وہ اپنی فلم دیکھتے ہوئے اکثر سوجاتے ہوں۔

بالی ووڈ اداکار سلمان خان فلم نگری کے صف او ل کے اداکاروں میں سے ایک ہیں جن کے مداحوں کی تعداد کروڑوں میں ہے یہی وجہ ہے کہ سلو میاں کے مداح ان کی فلموں کا بے تابی سے انتظار کرتے ہیں لیکن دبنگ خان نے اپنی فلم کی اسکریننگ پر سونے کا اعتراف کرکے حیران کردیا ہے۔

سلمان خان کا اپنے انٹرویو میں کہنا تھا کہ انہیں عام انسانوں کی طرح رہنا زیادہ پسند ہے اسی لیے وہ جیسے اسکرین پر نظر آتے ہیں ویسے بالکل نہیں جب کہ وہ اپنی فلم دیکھتے ہوئے سو جاتے ہیں اور اپنی تمام فلموں کی اسکریننگ پر بھی سونے لگتے ہیں۔

واضح رہے کہ سلمان خان اپنی نئی آنے والی فلم''سلطان'' کی شوٹنگ میں مصروف ہیں۔