دہشت گردوں کی جانب سے وزیرداخلہ بلوچستان سرفراز بگٹی کے قافلے کو بم سے اڑانے کی کوشش کی گئی تاہم حملے میں سرفراز بگٹی محفوظ رہے۔

ایکسپریس نیوز کے مطابق صوبائی وزیرداخلہ سرفراز بگٹی کا قافلہ ڈیرہ بگٹی سے گزررہا تھا کہ بارودی سرنگ سے ان کے قافلے کو اڑانے کی کوشش کی گئی تاہم بم دھماکے میں سرفراز بگٹی محفوظ رہے جب کہ قافلے میں شامل 2 گاڑیوں کو نقصان بھی پہنچا تاہم تخریب کاری کے اس منصوبے میں کوئی جانی نقصان نہیں ہوا۔

دوسری جانب وزیراعلیٰ بلوچستان ثنااللہ زہری نے سرفراز بگٹی کے قافلےپر حملے کا نوٹس لیتے ہوئے سیکیورٹی حکام سے واقعے کی رپورٹ طلب کرلی ہے۔