بھارت میں عورت نے اپنی فیس بک محبت کو پانے کے لئے شوہراوربچہ مارڈالا

ارچنا نے اجے کے ساتھ مل کر شوہر اور بچے کا گلا گھونٹا اور سر پر ہتھوڑے کے وار کئے

ویب ڈیسک January 23, 2016

اتر پردیش کے ضلع گورکھ پورکی ارچنا کی اجے یادیو سے فیس بک پر دوستی ہوئی تھی فوٹو: فائل

KARACHI: بھارت میں عورت نے فیس بک دوست کو پانے کے لئے شوہر اور 4 سالہ بچہ قتل کردیا.

بھارت میں جہاں ایک جانب ہندو انتہا پسندی بڑھ ہی رہی ہے وہیں محبت کے نام پراپنوں کو ہی موت کے گھاٹ اتارنے کا چلن بھی عام ہورہا ہے ، ایسا ہی ایک واقعہ بھارتی ریاست اتر پردیش میں ہوا ہے جہاں ایک عورت نے دوست کی محبت میں اندھی ہوکر ناصرف اپنے شوہر کو قتل کیا بلکہ 4 سالہ بچے کا گلہ گھونٹ کر مار دیا۔

بھارتی میڈیا کے مطابق اترپردیش کے ضلع گورکھ پورکے قصبے شاہ پورمیں ارچنا اور اوم پرکاش کی شادی 2009 میں ہوئی تھی اور ان کا ایک 4 سالہ بچہ بھی تھا۔ ایک سال قبل ارچنا کی فیروز آباد کے رہنے والے اجے یادیو سے فیس بک کے ذریعے دوستی ہوئی اور کچھ عرصے بعد اجے کا ارچنا کے گھر آناجانا شروع ہوگیا۔ دونوں کے درمیان اس قربت کا ارچنا کے شوہر کو علم نہیں تھا۔

محبت کو پانے کے لئے اندھی ہوئی ارچنا اوراجے نے گھرسے بھاگنے کا منصوبہ بنایا اور20 جنوری کو دونوں نے مل کر ناصرف اوم پرکاش کو ہتھوڑوں کے وارکرکے ہلاک کیا بلکہ ارچنا نے اپنے 4 سالہ معصوم بچے کی بھی جان لے لی۔ شوہراور بیٹے کو قتل کرنے کے بعد دونوں بھاگ نکلے لیکن پولیس نے انہیں پکڑ لیا۔ پولیس کا کہنا ہے کہ بچے کا گلا گھونٹا گیا جب کہ اوم پرکاش کے سرپرہتھوڑے سے واربھی کئے گئے ہیں۔

ارچنا کے دوست اجے یادیو نے میڈیا سے بات کرتے ہوئے اعتراف جرم کرلیا ، اس کا کہنا ہے کہ شادی کی تجویزارچنا نے دی تھی اور دونوں کو اپنے راستے سے ہٹانے کا منصوبہ بھی اسی کا تھا ، اس نے تو ارچنا کی مدد کی تھی۔