ویسٹ انڈیز کے تجربہ کار بلے باز شیونرائن چندر پال نے تمام طرز کی بین الاقوامی کرکٹ سے ریٹائرمنٹ کا اعلان کردیا ہے۔

ویسٹ انڈیز کی جانب سے ٹیسٹ کرکٹ میں دوسرے نمبر پر سب سے زیادہ اسکور کرنے والے چندر پال نے تمام طرز کی انٹرنیشنل کرکٹ سے ریٹائرمنٹ کا اعلان کردیا، انھوں نے اپنے 22 سالہ کیرئیر میں 164 ٹیسٹ میچز میں 11 ہزار 867 رنز بنائے جب کہ ویسٹ انڈیز کی جانب سے سب سے زیادہ 11 ہزار 953 رنز برائن لارا نے بنا رکھے ہیں۔

چندرپال نے 268 ون ڈے میچز میں 8 ہزار 778 جب کہ 22ٹی 20 میچز میں 343 رنز بھی بنائے۔