پاک فضائیہ کی شمالی وزیرستان میں کارروائی 17 دہشت گرد ہلاک

شمالی وزیرستان میں پاک افغان سرحدی علاقے میں پاک فضائیہ کے جیٹ طیاروں کی بمباری کے نتیجے میں 17 دہشت گرد ہلاک ہوگئے۔


پاک فوج کے شعبہ تعلاقات عامہ (آئی ایس پی آر) کے مطابق شمالی وزیرستان میں پاک افغان سرحدی علاقے دتہ خیل اور شوال میں پاک فضائیہ کے جیٹ طیاروں نے دہشت گردوں کے ٹھکانوں کو نشانہ بنایا جس کے نتیجے میں 17 دہشت گرد ہلاک جب کہ بمباری سے دہشت گردوں کے کئی ٹھکانے بھی تباہ ہوگئے۔

واضح رہے ملک سے دہشت گردی کے مکمل خاتمے کے لیے آپریشن ضرب عضب جاری ہے جس کےنتیجے میں اب تک متعدد دہشت گرد مارے جاچکے ہیں۔