چین میں دہشت گردوں اور علیحدگی پسندوں کو عبرتناک سزائیں دینے کا فیصلہ

چین کی عدالتوں نے دہشت گردی اور علیحدگی پسندی میں ملوث افراد کو عبرت ناک سزائیں دینے کے عزم کا اظہار کیا ہے۔


چین میں قومی سطح کے ایک اہم اجلاس کے بعد جاری کیے گئے بیان میں کہا گیا ہے کہ ملکی سلامتی، قومی سیاست، اقتصادی تحفظ اور معاشرتی استحکام کے لیے خطرہ بننے والے عناصرکے ساتھ سختی سے نمٹا جائے گا، عدالتیں دہشت گردی کے خلاف فعال کرداراداکریںگی۔

بیان میں کہا گیاکہ قتل، اغوا، خواتین اوربچوں کے حقوق کوپامال کرنے والے جرائم پر بھی سخت سزادی جائے گی تا کہ عوام میں تحفظ کا احساس مزید پختہ ہو سکے۔ بیان میں مزید کہاگیا کہ دہشت گردی کے خلاف نئے قوانین کی روشنی میں کرپٹ اوربد عنوان عناصر کے ساتھ آہنی انداز میں نمٹا جائے گا اور سخت سزائیں دی جائیں گی۔ عدالتی نظام کو بہتربنایاجائے گا۔ تاہم بیان میںکہاگیاہے کہ مشتبہ افرادکے حقوق کا پورا پورا خیال رکھا جائے گا۔