انور علی کے خطرناک باؤنسر سے کیوی کھلاڑی مچل میک کلینیگن شدید زخمی

زخمی ہونے کے باعث مچل میک کلینیگن نے دوسری اننگ میں پاکستان کے خلاف بولنگ بھی نہیں کرائی فوٹو:اے ایف پی

---

نیوزی لینڈ کے خلاف پہلے ایک روزہ میچ میں قومی ٹیم کے فاسٹ بولر انور علی کا خطرناک باؤنسر کیوی بلے باز مچل میک کلینیگن کی آنکھ پر لگا جس کے باعث وہ شدید زخمی ہو کر گراؤنڈ سے باہر چلے گئے۔

ویلنگٹن کے بیسن ریرزو گراؤنڈ میں کھیلے گئے میچ میں مچل میک کلینیگن 31 رنز پر بیٹنگ کر رہے تھے کہ جب کہ انور علی نے میچ کے 50 ویں اوور کی پانچویں گیند پر خطرناک باؤنسر مارا جو ہیلمٹ کی جالیوں کو چیرتا ہوا سیدھا مچل کی بائیں آنکھ پر لگا جس سے وہ شدید زخمی ہو کر نیچے گر گئے، میڈیکل ٹیم نے فوری طور پر گراؤنڈ میں پہنچ کر انھیں طبی امداد دی لیکن وہ آنکھ پر سوجن کی وجہ سے کھیل جاری نہ رکھ سکے اور انہیں گراؤنڈ سے باہر جانا پڑا ۔

Thanks for all the concerns. Everything is as good as it can be just a few broken bones. Great win for the boys! 🐼 pic.twitter.com/S9A2pZqETa

— Mitchell McClenaghan (@Mitch_Savage) January 25, 2016

زخمی ہونے کے باعث مچل میک کلینیگن نے دوسری اننگ میں پاکستان کے خلاف بولنگ بھی نہیں کرائی اور اِس دوران وہ اسپتال میں ہی رہے جہاں سے انہوں نے ٹوئٹ پر اپنی ٹیم کی کامیابیوں پر ساتھیوں کو مبارک باد دی۔