کراچی سے ملحقہ بلوچستان کے ضلع لسبیلہ میں ایف سی سے جھڑپ کے دوران 4 دہشت گرد ہلاک ہوگئے ہیں۔

ایکسپریس نیوز کے مطابق کراچی سے ملحقہ بلوچستان کے ضلع لسبیلہ کے علاقے وندر میں ایف سی اور مسلح ملزمان کے درمیان مقابلہ ہوا، فائرنگ کے تبادلے میں 4 مسلح افراد ہلاک ہوگئے۔

ایف سی ذرائع کا کہنا ہے کہ ہلاک ہونے والوں کی شناخت نہیں ہوسکی تاہم ان کی لاشیں کراچی کے سول اسپتال بھجوادی گئی جہاں سے لاشوں کو ایدھی سرد خانے منتقل کردیا گیا۔