امریکی نژاد 2 بہنوں نے فیس بک پرپاکستانی جیون ساتھی ڈھونڈ لیے

ثابت حیات کی فیملی کی پاکستان آمد، ایک بہن ڈسکہ، دوسری اسلام آباد میں پیا گھر سدھار گئی فوٹو: فائل

---

امریکی نژاد 2 بہنوں نے فیس بک پر پاکستانی جیون ساتھی ڈھونڈ لیے۔ ایک ڈسکہ کے گائوں لدھے اور دوسری اسلام آباد میں پیا گھر سدھار گئی۔

ڈسکہ کے گائوں لدھے کے رہائشی سلامت علی کے الیکٹریشن بیٹے چاند علی کی3 ماہ قبل امریکا میں مقیم ثابت حیات سعدی کی بیٹی راحیلہ سے فیس بک پردوستی ہوئی جو محبت میں تبدیل ہوگئی تودونوں خاندانوں کی رضامندی سے شادی ہوگئی۔ راحیلہ کی فیملی لدھے پہنچی اوریہاں پرمولانا عبدالحق نے2 ہزار حق مہر کے عوض نکاح پڑھایا۔ دلہن کے والد ثابت حیات سعدی نے بتایا کہ وہ اپنی فیملی کے ہمراہ عرصہ 20 سال سے اٹلانٹا جارجیا امریکا میں رہائش پذیر ہیں۔ آج ان کی ایک بیٹی راحیلہ چاند علی کے ساتھ جب کہ دوسری بیٹی سمیرا اسلام آباد کے عمیر علی ایڈووکیٹ کے ساتھ بیاہی جا رہی ہے۔ دونوں بیٹیوں نے فیس بک پر اپنا اپناجیون ساتھی خود ہی تلاش کیا ہے۔