حیات آباد میں رشتے سے انکار پر لڑکے نے فائرنگ کرکے لڑکی کو قتل کرنے کے بعد اپنی بھی جان لے لی۔

ایکسپریس نیوزکے مطابق پشاورکے علاقے حیات آباد میں ایک نواجوان نے گھرمیں گھس کرفائرنگ کردی جس کے نتیجے میں لڑکی موقع پردم توڑ گئی جس کے بعد اس نے خود بھی اپنی زندگی کا خاتمہ کرلیا ۔ پولیس نے دونوں کی لاشیں قریبی اسپتال منتقل کردیں.

پولیس کا کہنا ہے کہ لڑکے کی شناخت محمود جب کہ لڑکی کی شناخت حسنٰی کے نام سے ہوئی ہے، محمود نے کچھ عرصے پہلے اپنے گھروالوں کو حسنٰی کا رشتہ مانگنے بھیجا تھا لیکن حسنٰی کے گھر والوں نے انکار کردیا تھا ، جس کے بعد محمود نے حسنیٰ کو مارکرخودکشی کرلی۔