کراچی کو دہشت گردی سے پاک کرنے کے لیے آخری حد تک جائیں گے آرمی چیف

کراچی کے عوام کی روز مرہ زندگی کو بے خوف اور پرامن بنایا جائے،جنرل راحیل شریف، فوٹو؛ آئی ایس پی آر

---

SWAT: سربراہ پاک فوج جنرل راحیل شریف کا کہنا ہے کہ کراچی کو دہشت گردی سے پاک اور محفوظ بنانے کے لئے آخری حد تک جائیں گے۔



پاک فوج کے شعبہ تعلقات عامہ (آئی ایس پی آر) کے مطابق کورہیڈکوارٹر کراچی میں سربراہ پاک فوج جنرل راحیل شریف کی زیرصدارت امن و امان سے متعلق اجلاس ہوا جس میں ڈی جی آئی ایس آئی لیفٹیننٹ جنرل رضوان اختر، کورکمانڈر کراچی لیفٹیننٹ جنرل نوید مختار، ڈی جی ایم آئی، ڈی جی رینجرزسندھ اوردیگر اعلی حکام نے شرکت کی۔





پانچ گھنٹے سے زائد وقت تک جاری رہنے والے اجلاس میں امن و امان کی صورتحال اور کراچی آپریشن کا جائزہ لیا گیا جب کہ حکام نے کراچی میں خفیہ اطلاعات پر مبنی آپریشن سے متعلق آرمی چیف کو بریفنگ بھی دی۔

#COAS vowed to go to any length for a secure& terror free Kci to ensure a peaceful & fearless routine daily life for people of Kci-4

— Gen(R) Asim Saleem Bajwa (@AsimBajwaISPR) January 27, 2016

اجلاس کے دوران جنرل راحیل شریف نے نمایاں کامیابیاں حاصل کرنے پر خفیہ اداروں کی تعریف کرتے ہوئے کہا کہ کراچی کے عوام کی روز مرہ زندگی کو بے خوف اور پرامن بنایا جائے، شہر قائد کو امن و امان کا تحفظ یقینی بنائیں گے۔ جنرل راحیل شریف نے حکم دیا کہ کراچی میں دہشت گردوں کے نیٹ ورکس کو تباہ کرتے ہوئے شہرسے باہران کے ٹھکانوں اوررابطوں کو ختم کیا جائے۔