پاکستان کرکٹ ٹیم کے ہیڈ کوچ ڈيو واٹمور نے محمد حفيظ كو ٹی ٹوئنٹی کی كپتانی سے تبديل كرنے كی خبر كی ترديد کردی ہے۔
قومی كركٹ ٹيم كے ہيڈ كوچ ڈيو واٹمور نے دورہ بھارت كے لئے قومی ٹی ٹوئنٹی ٹيم كے كپتان محمد حفيظ كو تبديل كرنے كے حوالے سے خبروں كی ترديد كرتے ہوئے كہا كہ اس ميں كوئی صداقت نہيں ہے۔ ان کا کہنا تھا کہ انہوں نے ميڈيا ميں اس حوالے سے كوئی انٹرويو نہيں ديا اور نہ ہی پاكستان كركٹ بورڈ حكام كو یہ تجويز دی ہے۔
ڈیو واٹمور نے كہا كہ قومی ٹيم دورہ بھارت كی تياريوں ميں مصروف ہے اور اس طرح كی خبريں شائع كر كے ٹيم كی ساكھ كو متاثر كرنے كی كوشش كی جارہی ہے۔ انہوں نے مزید کہا کہ كھلاڑيوں كو چاہئے كہ وہ تمام تر توجہ روايتی حريف كے خلاف سيريز پر مركوز ركھيں۔