ژوب میں کینٹ کے قریب دھماکے میں 4 اہلکاروں سمیت 6 افراد زخمی

فورسز کی بھاری تعداد موقع پر پہنچ گئی اورعلاقے کو گھیرے میں لے کر سرچ آپریشن شروع کردیا گیا ۔ فوٹو:فائل

---

بلوچستان کے ضلع ژوب میں کینٹ کے قریب دھماکے کے نتیجے میں 4 اہلکاروں سمیت 6 افراد زخمی ہوگئے۔

ایکسپریس نیوزکے مطابق ژوب میں کینٹ کے قریب زور دار دھماکا ہوا جس کے نتیجے میں 4 سیکیورٹی اہلکار اور 2 بچے زخمی ہوگئے۔ دھماکا اس قدر شدید تھا کہ اس کی آواز دور دور تک سنی گئی جب کہ قریبی عمارتوں کے شیشے بھی ٹوٹ گئے، دھماکے کے فوری بعد سیکیورٹی فورسز کی بھاری نفری موقع پر پہنچ گئی اور زخمیوں کو سی ایم ایچ اسپتال منتقل کردیا گیا۔

ذرائع کے مطابق کینٹ میں سیکیورٹی فورسز کے دفتر کے داخلی راستے پر حملہ آورنے گاڑی ٹکرائی جس کے نتیجے میں زور داردھماکا ہوا جب کہ علاقے میں شدید خوف و ہراس پھیل گیا، دھماکے کے فوری بعد فورسز کی بھاری تعداد موقع پر پہنچ گئی اور علاقے کو گھیرے میں لے کر سرچ آپریشن شروع کردیا گیا ہے۔