نائیجیریا میں 12 سالہ خودکش بمبار کے حملے میں 10 افراد ہلاک متعدد زخمی

حملہ آور نے بازار میں گہما گہمی کی جگہ پر خود کو دھماکے سے اڑا لیا، عینی شاہدین، فوٹو؛ فائل

---

نائیجیریا کے بازار میں 12 سالہ خودکش بمبار کے حملے میں 10 افراد ہلاک جب کہ متعدد زخمی ہوگئے۔

غیر ملکی خبر رساں ادارے کے مطابق نائیجیریا کے شمال مشرقی علاقے میں 12 سالہ لڑکے نے بھرے بازار میں خود کو دھماکے سے اڑالیا جس کے نتیجے میں 10 افراد ہلاک جب کہ متعدد زخمی ہوگئے۔ عینی شاہدین کا کہنا ہے دھماکہ انتہائی شدید نوعیت کا تھا اور خود کش حملہ آور کی عمر تقریباً 12 برس تھی جس نے بازار میں نہایت گہماگہمی اور رش والی جگہ پر خود کو دھماکے سے اڑالیا۔

حکام کا کہنا ہے کہ حملوں کی ذمہ داری ابھی تک کسی بھی تنظیم کی جانب سے قبول نہیں کی گئی تاہم ماضی میں خود کش حملوں کے لیے جنگجو تنظیم داعش کی جانب سے بچوں کو استعمال کیا جاتا رہا ہے اس لیے خدشہ ہے کہ اس کارروائی میں بھی داعش ملوث ہے۔