عدالت نے کالعدم مذہبی تنظیم کے 3 ملزمان کا جسمانی ریمانڈ دے دیا

آئی ڈی پولیس نےملزمان کومنگھو پیر کے علاق سے مقابلے کے بعد گرفتار کرکے انکے قبضے سے بھاری اسلحہ اور دستی بم برآمد کیے تھے. فوٹو : فائل

---

جوڈیشل مجسٹریٹ غربی محمد افضل روشن نے پولیس مقابلہ اقدام قتل ، اسلحہ ایکٹ ، دستی بم رکھنے کے الزامات سمیت دیگرمتعدد مقدمات میں گرفتار کالعدم مذہبی تنظیم کے نعمت اﷲ ، حمید اﷲ اور عبدالباقی کو پبلک پراسیکیوٹر سید شمیم احمد کی استدعا پر 5نومبر تک جسمانی ریمانڈ پر پولیس کی تحویل میں دیدیا ہے۔

استغاثہ کے مطابق سی آئی ڈی پولیس نے ملزمان کو منگھو پیر کے علاقے سے مقابلے کے بعد گرفتار کرکے انکے قبضے سے بھاری اسلحہ اور دستی بم برآمد کیے تھے، سماعت کے موقع پر وکیل سرکار نے بتایا کہ ملزمان نے قتل کی دھمکی دیکر محمد شفیق سے بھتہ طب کیا تھا ، ملزمان نے ابتدائی تفتیش میں متعدد تارگٹ کلنگ کا بھی اعتراف کیا ہے، ملزمان کو مقابلے کے بعد گرفتار کیا گیا ہے انکا مفرور ساتھی شیر خان کی گرفتاری کرنی ہے، وکیل سرکار نے ریمانڈ دینے کی استدعا کی تھی۔